بين هم وبين ألم هذا مكاني

بين هم وبين ألم هذا مكاني الله خالقني عشان اني اعاني..العمر يمشي وانا بالحالي واقف واعتقد اني بزمن ماهو بزماني..

حتى اهلي حتى اصحابي وربعي صرت احس اني معهم شخص ثاني..لازم اجامل عشان اكسب رضاهم و ابتسم و أضحك ولو ضحكي ثواني..والمصيبة وين انا و الضحك وينه بيني و بينه مسافات ومواني..

كيف اضحك وانا من سنتين ميت مابكاني حد بس واحد بكاني..ذاك يا للي يوم اشوفه كنت افرح لاني ادري صدق من قلبه هواني..اذكر انه كان وافي كان طيب ماشكيته لحد ولا عمره شكاني..واذكر انه كان مذهل في جماله واذكر اني كنت في حبه أناني..

واذكر انه هو مالي عيوني من جميع الناس احساسه كفاني..واذكر انه كان يحفظ كل قصيدة وكان هو بذات يحب موت الاماني..واذكر انه كان يامرني ولبي ويمشي امره لو طلب اصغر اخواني..واذكر اني كنت احبه موت والله مانسيته في يوم ولا عمره نساني..لكن الأقدار كانت حيل اقوى ما مداه يعيش قربي وما مداني..راح وخلى الدنيا وللي فيها كلهم وماكذب من قال ان العمر فاني..

راح وخلى في قلبي اجمل ذكرياته ضحكته وطيفه وحياته و شي ثاني..راح وخلى دمعي باين في عيوني ومن هو بعده يقول صح الله لساني..من بعد ماراح منهو اشكي له يا عذابي يا مصابي يا هواني

العمر يمشي وانا بالحالي واقف واعتقد اني بزمن ماهو زماني..بين هم وبين ألم هذا مكاني الله خلقني عشان اني اعاني..


:( :( :(